GCF-Logo

في بالنا الكاف بلاد فلاحة

في بالنا الكاف بلاد فلاحة

01-08-2018

islem.zrelli@raj-tunisie.org

الزّرلي اسلام

التغير المناخي, الاحتباس الحراري 

زُوز مصطلحات معقدين لكنهم كافين انهم اليّوم يكونو حديث العالم الكلّ . المعضلة اللّي رغم التكنولوجيا و التطوّر مناش لاڨين ليهم حلّ.

تونس و تحديدا الكاف  اللّي كيف تڨول الكاف تڨول الفلاحة ڨاعدا تعيش تحت ضغط الاحتباس الحراري .السّخانة اللّي كانت مابين.25° و 34° في 2015 تطلع في عام ب 6° كاملين و توصل ل 40 و اكثر الماء قل, السّدود شاحت و المحاصيل تمسّت . شنيّا الحلّ و اشنيّا الاستراتيجية اللّي محضرتها الدّولة للفلاحة الشّمالية ولاّ بالأحرى اللّي كانت مالمفروض انها محضرتها و توّا تطبّق فاها ؟

تزيد السّخانة كل عام امّا عدد الآبار للسّقي 260 كيف ما هوّا, الامطار تمشي  و تنقص من 6 مم ل 1 مم في عامين (2015-2017), السّدود قلّت للنّص و السّد اللّي يهز 460 متر مكعّب ما ولاّ فيه كان 270, امّا تدهور جودة المياه المعالجة ماشي و يزيد , وتزيد معاه امراض المحاصيل و امراض العباد.

.كيف اللّي يعيّط في الخلاء و صدى الصوت راجع عليه .. هكّاكا هو حال فلاّحة الشّمال. شكون اللي سامعو و شكون اللّي فاهمو.

الموارد الماليّة و المائيّة .. المساحات الزّراعية و اسعار الأطعمة المركّزة .. دوّامة تخلي الفلاّح في تهديد قادر يوصّل تونس كاملة انها تعيش أزمة غذائيّة و اقتصاديّة . و يبقا سؤالنا الدّولة وين ؟؟

Voir plus de publications

×

Inscrivez-vous à notre newsletter

*Obligatoire
load.gif