GCF-Logo

النفايات أهم المصادر المؤثرة على التغيرات المناخية

النفايات أهم المصادر المؤثرة على التغيرات المناخية

النفايات أهم المصادر المؤثرة على التغيرات المناخية

27-03-2019

54436447_651473318620103_105077564602580992_n.jpg

BELHEDI Emna

ecologueemna@gmail.com

Biographie:

Emna Belhedi ,24 ans , étudiant chercheur en environnement et membre active à la société civile .

عسلامة ناس الكل حبيت نحكيلكم عل استراتيجيات الي نجمو ننتهجوها لتثمين النفايات على خاطر نفايات تعتبر من أهم المصادر المؤثرة على التغيرات المناخية تعتبر النفايات محفز لتدفق غازات احتباس الحراري  الي  هو من غيرو الأرض منجموش نعيشو فيها من شدة البرد .وقتلي تتعفن و تتعرض لأشعة الشمس تفرز النفايات غازات سامة كثنائي اكسيد الكربون و أحادي اكسيد الكربون و ميتان الي تسخن الغلاف الجوي و توسع ثقب الأوزون و بالتالي احتباس حراري ينجر عنو ارتفاع درجة حرارة الارض و كيما نعرفو النتائج الوخيمة الي هي فيضانات و الجفاف وحتى  موت كائنات الحية خاصة البحرية و بالتالي نقص في تنوع البيولوجي  الخ  .ليوم و في تونس علاش ما نثمنوش النفايات و نتمتعو بالحقوق البيئية الي نص عليها الدستور التونسي في الفصل 45 في 2014 وهكا نربحو بيها برشا فلوس ’ تثمين النفايات في تونس ولات تنجم تحقق مواطن شغل ال برشا شباب و بيها نجمو ننعشو اقتصاد البلاد .

نذكرو مثال زيوت القلي مع الاسف ربات البيوت و حتى اصحاب المطاعم بعد ما تستعمل الزيت زيت يتلوح في المراحيض و احواض الغسيل و بالتالي يتسبب في انسداد القنوات (قنوات ديوان التطهير) و بالتالي تتسبب في تكاثر الحشرات و القوارض كذلك زيت هذا يتعدى في قنوات تجمع المياه المستعملة و بالتالي في بحر الي يتسبب في اختناق الكائنات الي تعيش في سواحل و الكائنات البحرية و الاسماك بصفة عامة ليوم ولينا نجمو نثمنو زيت القلي و نصنعو منو زيوت محركات صديق البيئية يعني ما يفرزش برشا (ثنائي أكسيد الكربون) مع الاسف الاستراتجية هدي  موش لاقية حظها خاطر ربات البيوت التوا قاعدة تلوح في زيوت و حتى المطاعم زادا حتى المعامل التي تخدم بزيوت تصدرها للخارج يصيرلو تكرير و يعملو بيه كيروزين للطيارات . فما شركة حلت في 2009 تحديدا منطقة المغيرة بولاية بن عروس الي مختصة في الحكاية هدي مع الأسف منجمتش تحقق حتى 10 بالمائة من العائدات المالية على خاطر ثقافة تجميع تاع الزيت مازلت موش منتشرة.

 كيف نقولو تثمين نفايات نحكيو على تثمين الفضلات المنزلية   تقدر سنوياً بنحو 2,5 مليون طن(2015) ما يعادل  0,6 كيلوغرام يومياً. الفضلات هدي نجمو نصنعو بيها كمبوست الي هو سماد طبيعي ناتج عن تفكيك الفضلات بالكائنات الدقيقة الطن يعطي 3.5 م3 يعني ما يعبي هكتارات فلاحية بصنع سماد عضوي الي يثري تربة و يخلي نسبة الكربون اكثر في التربة و يقتل الأعشاب الطفيلية .

نجمو زادا نحيو على تثمين حماة المجاري او ما يعرف بال(boue de STEP :station d'épuration des eaux usées  )   تحتوي  حمأة المجاري  على كمية كبيرة من ميتان هذا الغاز الي كيما ذكرت في المقدمة غاز احتباس حراري و محفز التغيرات المناخية الميتان ينجم يعطينا كمية كبيرة من الكهرباء بعد تجميعو و تصفيتو الي تخدمنا برشا ماكينات1  كغ  حمأة  يعطينا  لتر    1000 غاز طبيعي (Biogaz ) الي بدورو يعطينا ,  600 لتر,    هذا الأخير يعطينا 20000كيلو واط. بالكمية الكبيرة هذي نجمو نبيعو حتى القيمة الزائدة لشركة الكهرباء و الغاز (STEG) .

Voir plus de publications

×

Inscrivez-vous à notre newsletter

*Obligatoire
load.gif